tg-me.com/shrahpk/17870
Last Update:
قصيدة حول الامام العباس ع
تنقري في عدت الأطوار
ثقيل
نجفي
موشح
أداء خادمكم ناعي الزهراء ابو علي الجابري
قل هو العباس سبع الكنطره
اشهد ومثله ولا جابت مره
عينه عالعيله ولا مره غفت
اجدامه بس لزينه والكلفه مشت
اليوم بالميدان كلها اتحيرت
تشهد العباس كلها كربله
تشهد العباس صوبين الزلم
من يجرد سيفه ويشيل العلم
ياهو اليلاويه منه والنعم
غنم سواها وترس بيها الثره
قل هو العباس للخوه درع
يالذيذ ومنه لا ما ينشبع
الغيره طبعه وبيه من حيدر طبع
قائد وسوح الحرب تشهد اله
قائد ومحد وكف كدامه
بيه نتباهه ورفعنه الهامه
شكاتب التاريخ عن ايامه
ياعجيد الكوم يابو المرجله
شيخ والشيخه شكثر تحلاله
تفيض غيره وطيب من ادلاله
الخوه ما ينساها دوم اباله
لا ابد مثله ولا نلكه فلاه
💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي ✍
BY قناة الشاعرة أم كرار الساعـدي
Warning: Undefined variable $i in /var/www/tg-me/post.php on line 283
Share with your friend now:
tg-me.com/shrahpk/17870